अरु पार्टीबाट नेकपा एसमा आएका नेताको जिम्मेवारी तोकियो, कसलाई के जिम्मेवारी ? – Nepal Press

अरु पार्टीबाट नेकपा एसमा आएका नेताको जिम्मेवारी तोकियो, कसलाई के जिम्मेवारी ?

काठमाडौं। नेकपा (एकीकृत समाजवादी)ले पछिल्लो समय आफ्ना पार्टीमा आएका विभिन्न नेताहरुलाई पार्टीमा जिम्मेवारी दिएको छ। शुक्रबार जारी नेकपा एसको अन्तरपार्टी निर्देशन–३ अनुसार हालै माओवादी परित्याग गरी आएका नेता रामचन्द्र झालाई स्थायी कमिटीमा नियुक्त गरेर कानून विभाग प्रमुख बनाइएको छ।

त्यस्तै हालै बंगलादेशको नेपाली राजदूतको कार्याकाल सकाएर आएका बंशिधर मिश्रलाई पनि स्थायी समितिमा नियुक्त गर्दै जलस्रोत विभाग प्रमुख बनाएको छ। हालै एमाले परित्याग गरी आएका अम्मर गरिलाई अनुशासन आयोग सदस्यको जिम्मेवारी दिइएको छ।

नेकपा एमालेको तत्कालीन डडेल्धुरा कमिटीको बहुमत पदाधिकारीसहित आएका जिल्ला अध्यक्ष डा. तारा जोशीलाई उद्यमशीलता विकास विभाग प्रमुख बनाइएको छ। एमाले नै परित्याग गरी आएका भानुभक्त जैशीलाई स्थायी कमिटीमा नियुक्त गर्दै वन तथा वातावरण विभाग प्रमुखको जिम्मेवारी दिइएको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर