स्थायी कमिटी र पोलिट्ब्युरो गठन गर्न एमाले केन्द्रीय कमिटी बैठक बस्दै – Nepal Press

स्थायी कमिटी र पोलिट्ब्युरो गठन गर्न एमाले केन्द्रीय कमिटी बैठक बस्दै

काठमाडौं । स्थायी कमिटी र पोलिट्ब्युरो गठन गर्न नेकपा (एमाले)को १० औं महाधिवेशनबाट निर्वाचित केन्द्रीय कमिटीको दोस्रो बैठक भक्तपुरस्थित जर्मन पार्टी प्यालेसमा बस्दैछ । यससँगै केन्द्रीय सदस्य पनि मनोनित गर्ने बैठकको एजेण्डा छ ।

त्यस्तै बैठकले जिल्ला र प्रदेश अधिवेशन पनि गर्न बाँकी रहेकाले त्यसको समयसीमा निर्धारण गर्नेछ । त्यस्तै नेताहरुको कार्य विभाजन पनि बैठकको एजेन्डा छ ।

केन्द्रीय कार्यालय सचिव शेरबहादुर तामाङले केन्द्रीय सदस्यको संख्या बढेकाले पार्टी प्यालेस रोजेको बताए। बैठक दुई दिनसम्म चल्ने बताइएको छ ।

केन्द्रीय कमिटीको पहिलो बैठक भने महाविधेशनस्थल चितवनको सौराहामै बसेको थियो।

केन्द्रीय कमिटी बैठक बस्नुअघि सचिवालय बैठक बस्ने एमाले कार्यालय सचिव शेरबहादुर तामाङले जानकारी दिए । सचिवालयमा केन्द्रीय कमिटीमा पेश हुने एजेण्डाबारे छलफल हुनेछ ।

प्रतिक्रिया

Leave a Reply

Your email address will not be published.