ओली बोलेर हिँडेपछि भुकुटीमण्डपबाट धमाधम बाहिरिए सहभागी

काठमाडौं । नेपाली कांग्रेसको १४ औं महाधिवेशन उद्घाटन समारोहमा केपी ओली बोल्दा-बोल्दै माओवादी अध्यक्ष प्रचण्ड र नेकपा एसका अध्यक्ष माधवकुमार नेपाल पालैपालो बाहिरिए ।

अझ रोचक दृष्यचाहिँ ओली बोलेर हिँडेपछि दर्शकदीर्घामा रहेका सहभागी पनि बाहिरिन थाले । ओली बोलेर हिँडेलगत्तै सहभागीहरू धमाधम निस्किन थालेका थिए ।

त्यसपछि कांग्रेसका पदाधिकारीको लम्बेतान भाषण चल्न थालेपछि भृकुटीमण्डपको महाधिवेशनस्थलका कुर्सी खाली हुन थालेका छन् । सभापति शेरवहादुर देउवाले सम्बोधन गर्ने बेलासम्म साँझ झमक्क हुने देखिएको छ ।