बिगबासको पहिलो खेलमा सन्दीपको एक विकेट – Nepal Press

बिगबासको पहिलो खेलमा सन्दीपको एक विकेट

काठमाडौं । नेपाली राष्ट्रिय टोलीका स्पीनर सन्दीप लामिछानेले अस्ट्रेलियन फ्रेन्चाइज क्रिकेट– बिग बास लिगमा होबर्ट हुरिकेन्सको पहिलो खेलमा १ विकेट लिएका छन् । आइतबारदेखि सुरू भएको लिगको पहिलो खेलमा सन्दीप सम्मिलित हुरिकेन्सले बुधबार सिड्नी सिक्सरसँग १४ रनको साँघुरो पराजय बेहोर्दा सन्दीपले औसत बलिङ गरे ।

लन्चेस्टनस्थित औरोरा स्टेडियममा टस जितेर फिल्डिङ रोजेको हुरिकेन्सविरुद्ध सिड्नीले १ सय ४५ रनको लक्ष्य प्रस्तुत गरेको थियो । सोही क्रममा आफ्नो क्वोटाको पूरा ४ ओभर बलिङ गरेका सन्दीपले २४ रन खर्चेर १ विकेटमात्रै लिए ।

सिड्नीका लागि छैठौं नम्बरमा ब्याटिङ गनै क्रिजमा उत्रिएका ड्यान क्रिस्चियनलाई सन्दीपले जोर्डन कक्सको हातबाट ब्याच आउट गराएका थिए । ड्यानले १० बलमा ५ रन जोडेका थिए ।

दोस्रो इनिङमा सन्दीपको हुरिकेन्सले निर्धारित २० ओभरमा ८ विकेट गुमाएर १ सय ३० रन मात्रै बनाउँदा उनले ब्याटिङको मौका पाएनन् ।

सन्दीपको हुरिकेन्सले आगामी खेलमा शनिबार सिड्नीसँगै खेल्ने छ ।


प्रतिक्रिया

Leave a Reply

Your email address will not be published. Required fields are marked *