मंगलबार थपिए ३१५ कोभिड संक्रमित, २ जनाको मृत्यु
नेपाल प्रेस
२०७८ मंसिर २१ गते १५:३७
फाइल तस्विर
काठमाडौं । पछिल्लो २४ घण्टामा मंगलबार मुलुकमा ३१५ जना कोभिड बिरामी थपिएका छन् । स्वास्थ्य तथा जनसंख्या मन्त्रालयका अनुसार ९३८६ पीसीआर र २४२४ एन्टीजेन नमुना परीक्षण गर्दा ती संक्रमित पुष्टि भएका हुन् ।
सोही अवधीमा थप दुई जनाको कोभिड संक्रमणले मृत्यु भएको छ । ३०४ जना निको भएका छन् ।
मन्त्रालयका अनुसार सक्रिय संक्रमित संख्या ६३५२ जना छन् । गत २४ घण्टामा १ लाख २७ हजार जनाले कोरोनाविरुद्धको खोप लगाएका छन् । काठमाडौं र ललितपुरमा सक्रिय संक्रमित संख्या ५०० भन्दा उच्च छ ।
सुनसरी, भक्तपुर, कास्की, नवलपरासी पूर्व, बाँके र कैलालीमा सक्रिय संक्रमित संख्या २०० भन्दा माथि छ । मनाङ, मुस्ताङ, डोल्पा, हुम्ला, मुगु र सल्यानमा संक्रमण संख्या शून्य छ ।
काठमाडौं जिल्लामा सोमबार ८२ जना, भक्तपुरमा ९ जना र ललितपुरमा ८१ जना संक्रमित थपिएका छन् ।
कूल संक्रमित संख्या ८ लाख भन्दा बढी छन् भने निको हुने संख्या ८ लाख ५२ हजार छ ।
कूल मृत्यु हुने संख्या ११ हजार ५४५ छ ।
नेपाल प्रेस
प्रकाशित: २०७८ मंसिर २१ गते १५:३७
प्रतिक्रिया
सम्बन्धित खवर
