यस्तो छ कट्रिना-विक्कीको बिहे सेड्युल : १२० पाहुनालाई गुलाबको वर्षाले हुनेछ स्वागत !

मुम्बइ । विक्की कौशल र कट्रिना क्याफ बिहेको लागि आज राती राजस्थानको माधोपुरस्थित सिक्स सेन्सेस फोर्ट पुग्दैछन् । त्यो ठाउँमा उनीहरुको भव्यपूर्वक बिहे कार्यक्रम हुँदैछ ।

उक्त भव्य होटलको द्धारमा गुलाबको फूलको स्वागतबाट पाहुनाहरुको भव्य स्वागत हुँदैछ । साथै सारंगीसँगै राजस्थानी लोकगीतको धुन पनि बज्दैछ ।

बिहेको सुरक्षालाई कडा तुल्याइएको छ । पहिले सुरक्षा जाँच पोस्ट होटेलको ढोका र अर्कोचाहिँ उक्त भिलेजको प्रवेश द्वारमा बनाइएको छ । प्रहरी जवान, निजी अंगरक्षक र होटलका सुरक्षाकर्मी पनि तैनाथ हुनेछन् ।

कोभिड प्रोटोकलको लागि सबै पाहुनाको तापक्रम पनि नापिने भएको छ । सोमबार अबेर राती कट्रिनाकी आमा सुजैन टोरकोटै, बहिनी स्टेफानी, क्रिस्टिन, नताशा, मेलिसा, सोनिया, इजाबेल र भाइ माइकल जाँदैछन् ।

कट्रिनाकी फिट्नेस ट्रेनर यास्मिन कराचीवाला, मेकअपम्यान तथा हेयर स्टाइलिस्ट, कस्ट्युम डिजाइनर, सेलेव्रिटी म्यानेजर र फेसन स्टाइलिस्ट पनि जाँदैछन् ।

७ डिसेम्बरमा संगीत सेरेमोनी हुनेछ । ८ डिसेम्बरमा बिहान ११ बजे हल्दी रस्म, रातको आफट्र पार्टी हुनेछ । ९ डिसेम्बरमा अपरान्ह १ बजे सेहरा बंदी, ३ बजे विक्की बिहे मण्डपमा पुग्नेछन् । साँझ कट्रिना र विक्कीले सात फेरो घुम्नेछन् । रात साढे ८ बजे पुल साइडमा डिनर र पार्टीको कार्यक्रम राखिएको छ ।

१२० जनालाई बिहेको निम्तो दिइएको छ । पीटीआइका अनुसार कोभिड प्रोटोकल पालना गरिनेछ । बिहे कार्यक्रममा सहभागी हुने अतिथिले कोभिड–१९ खोप लगाएको प्रमाण पेश गर्नुपर्ने भएको छ । खोप नलगाएकाले कोभिडको नेगेटिभ पीसीआर रिपोर्ट देखाउनुपर्नेछ ।