कमल थापाको कार्यकक्ष यथावत राखेर लिङदेनलाई अस्थायी प्रबन्ध (तस्बिरहरू) – Nepal Press

कमल थापाको कार्यकक्ष यथावत राखेर लिङदेनलाई अस्थायी प्रबन्ध (तस्बिरहरू)

काठमाडौं । राष्ट्रिय प्रजातन्त्र पार्टीका नवनियुक्त अध्यक्ष राजेन्द्र लिङदेनले आज पदभार ग्रहण गर्दैछन् । धुम्बाराहीस्थित राप्रपाको कार्यालयमा उनलाई नयाँ कार्यकक्ष तयार गरिएको छ ।

यसअघि मुख्य अध्यक्षका रूपमा कमल थापाले प्रयोग गरिएको कार्यकक्ष लिङदेनले पाउने अपेक्षा गरिएको थियो । तर, पार्टीको सचिवालयले भने थापाको कार्यकक्ष यथावत राखेर लिङदेनका लागि कामचलाउ कार्यकक्ष बनाएको छ ।

पदभार ग्रहण कार्यक्रमअघि कार्यकक्षको विषयमा असन्तुष्टि जनाएर लिङदेन पक्षधरले केहीबेर विवाद गरेका थिए । लिङदेनले भने पछि आफैं व्यवस्थापन गर्ने भन्दै अहिले विवाद नगर्न कार्यकर्तालाई आग्रह गरेका छन् ।

राप्रपामा यसअघि तीन अध्यक्ष थिए । तर, अब लिङदेन मात्रै अध्यक्ष छन् । अघिल्ला अध्यक्षहरूमा थापाले चुनाव हारे भने पशुपतिशम्शेर राणा र प्रकाशचन्द्र लोहनीले चुनाव लडेनन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर