प्रधानन्यायाधीश अस्पतालबाट डिस्चार्ज, कार्यवाहक बन्ने दीपक कार्कीको प्रयास असफल

काठमाडौं । प्रधानन्यायाधीश चोलेन्द्र शमसेर जबरा अस्पतालबाट स्वास्थ्यलाभपछि डिस्चार्ज भएका छन् । मंसिर १३ गते कोभिड निमोनियाको उपचारका लागि सशस्त्र प्रहरी अस्पताल भर्ना भएका प्रधानन्यायाधीश राणा आज बिहान साढे ९ बजे डिस्चार्ज भएको अस्पतालले जनाएको छ ।

प्रधानन्यायाधीश राणा आज घरमै आराम गर्ने र आइतवारदेखि सर्वोच्च अदालत जाने पारिवारिक स्रोतले जनाएको छ । राणा अस्पताल भएको मौकामा कामु प्रधानन्यायाधीश बनेर संवैधानिक इजलास गठन गर्ने वरिष्ठतम दीपक कार्कीको प्रयास असफल भएको छ ।

बारले कामु प्रधानन्यायाधीश खोज्दै गोला प्रक्रियामा गइसकेको अदालती कारवाहीसमेत अवरुद्ध गरेको छ । सत्ता गठबन्धनले प्रधानन्यायाधीश राणालाई बिदामा बसेर कार्यवाहक तोक्न सुझाव दिएलगत्तै राणाले दुवै प्रस्ताव अश्वीकार गरेका थिए ।