भृकुटीमण्डपमा ‘रेखा थापा वि लभ यू’ भन्दै समर्थकले मागे भोट !

काठमाडौं । फिल्म नायिका समेत रहेकी अभिनेत्री रेखा थापाले काठमाडौंमा जारी राष्ट्रिय प्रजातन्त्र पार्टीको महाधिवेशनमा महामन्त्री पदमा उम्मेदवारी दिएकी छिन् ।

अध्यक्षका उम्मेदवार राजेन्द्र लिङ्देनको पक्षबाट उम्मेदवारी दिएकी रेखाले आफूलाई जिताउन आग्रह गर्दै महाधिवेशन प्रतिनिधिहरुसँग भोट मागिरहेकी छिन् । भृकुटीमण्डपमा रेखालाई भोट मागिरहेको दृश्य देख्न सकिन्छ ।

उनको पक्षका महाधिवेशन प्रतिनिधिले पनि रेखाको लागि भोट मागिरहेका छन् । ‘पूर्वपश्चिम के भन्छ : रेखा थापा ले भन्छ’ र ‘रेखा थापा वी लभ यू’ भन्दै प्रतिनिधिले भोट मागिरहेका छन् । रेखाका समर्थकले भोट माग्दै प्रदर्शनीमार्गमा जुलुस पनि निकालेका छन् ।

राप्रपामा एक महिलासहित तीनजना महामन्त्री रहने विधानको व्यवस्था छ । नेपाल प्रेससँग कुरा गर्दै रेखाले आफूले जित्ने विश्वास व्यक्त गरिन् ।