प्रदेश उम्मेदवार टुंग्याउन पौडेल पक्षमा जिम्मेवारी बाँडफाँट, कुन प्रदेशमा को ?(सूचीसहित)

काठमाडौं । नेपाली कांग्रेसको संस्थापन इतर समूहले प्रदेश समितिका उम्मेदवार टुंग्याउन सम्बन्धित प्रदेशका केन्द्रीय नेताहरुलाई जिम्मा दिएको छ ।

महामन्त्री डा.शशांक कोइरालाको महाराजगञ्जस्थित निवासमा बसेको वरिष्ठ नेता रामचन्द्र पौडेलसहितको बैठकले सात वटै प्रदेशमा प्रदेश अधिवेशनका उम्मेदवार तोक्न केन्द्रीय नेताहरुलाई जिम्मेवारी तोकेको हो ।

बैठकले प्रदेश अधिवेशनमा संस्थापनइतर समूहबाट साझा उम्मेदवारी दिने निर्णय समेत गरेको छ । कांग्रेसको प्रदेश अधिवेशन विहीबार उद्घाटन हुँदैछ । आजको बैठकमा वरिष्ठ नेता पौडेल, महामन्त्री कोइराला, पूर्व महामन्त्री प्रकाशमान सिंह, नेताहरु डा।रामशरण महत, अर्जुननरसिंह केसी, दीपक गिरी, गगन थापा लगायतका नेताहरु सहभागि थिए ।

वरिष्ठ नेता पौडेलका अनुसार जिम्मेवारी पाएका नेताहरुले सम्बन्धित प्रदेशका प्रत्याशी र नेताहरुसँगग छलफल र परामर्श गरेर आवश्यक निर्णय लिनेछ ।

कुन प्रदेशमा कसले पाए जिम्मेवारी ?

प्रदेश १ – बलबहादुर केसी, महेश आचार्य, डा.मिनेन्द्र रिजाल, डा.शेखर कोइराला, सरिता प्रसाइँ, गुरुराज घिमिरे

प्रदेश २ – सीतादेवी यादव, रामकृष्ण यादव र किरण यादव

बागमती प्रदेश – प्रकाशमान सिंह, डा।रामशरण महत, अर्जुननरसिंह केसी,

गण्डकी प्रदेश – रामचन्द्र पौडेल, डा।शशांक कोइराला, दिलबहादुर घर्ती, कमला पन्त, जीवन परियार

लुम्बिनी प्रदेश – दीपक गिरी, चन्द्र भण्डारी

कर्णाली प्रदेश – हृदयराम थानी

सुदुरपश्चिम प्रदेश – दिलेन्द्रप्रसाद बडु, बद्री पाण्डे