१४ औं महाधिवेशनमा १४ एजेण्डासहित नैनसिंह महर मैदानमा

काठमाडौं । नेपाली कांग्रेसको भ्रातृ संगठन नेपाल विद्यार्थी संघ (नेविसंघ) का पूर्वअध्यक्ष नैनसिंह महरले पार्टीको आसन्न १४औं महाधिवेशनमा केन्द्रीय सदस्य पदमा उम्मेदवारी दिने घोषणा गरेका छन् ।

काठमाडौंको अनामनगरस्थित युनियन हाउसमा मंगलबार पत्रकार सम्मेलन गरी उनले कांग्रेसको केन्द्रीय सदस्य पदमा उठ्ने जानकारी दिएका हुन् । महरले घोषणा गरेका १४ औं महाधिवेशनका १४ एजेण्डा निम्नलिखित छन्-

१. एक व्यक्ति, एक पद, दुई पटकमात्र

२. प्रशिक्षण र मापदण्डका आधारमा क्रियाशील सदस्यता

३. सरकार र पार्टी संचालनका लागि थिंक ट्यांक स्थापना

४. बीपी विचारको समयसापेक्ष कार्यान्वयन

५. व्यवहार र आचरणमा शुद्धता, आर्थिक पारदर्शिता

६. रुपान्तरणका लागि युवा कांग्रेस स्थापना

७. नेतृत्व आवधिक कार्ययोजना महाधिवेशनमै

८. लोकतन्त्रको संस्थागत विकास तथा असल नेतृत्व, कुशल व्यवस्थापन

९. योगदानमा आधारित जिम्मेवारी, मूल्यांकनका आधारमा सम्मान

१०. निःशुल्क स्वास्थ्य-शिक्षा, सर्वसुलभ यातायात र सञ्चार, गुणस्तरीय जीवनका आधार

११. लगानीमैत्री वातावरण, युवा उद्यमशीलता र स्वरोजगार अर्थतन्त्रमा सुधार

१२. विविधताको सम्मान, रीतिरिवाज र मौलिकताको पहिचान

१३. कानुनी राज्य, मानव अधिकार, सुशासन र समावेशिता

१४. राष्ट्रिय स्वार्थकेन्द्रित विदेश नीति