पाल्पा कांग्रेसको सभापतिमा पौडेल पक्षका श्रेष्ठ निर्वाचित

स्याङ्जा । नेपाली कांग्रेस पाल्पाको सभापतिमा हिमालदत्त श्रेष्ठ विजयी भएका छन् । निकटतम प्रतिष्पर्धी कृष्ण बस्याललाई ५ सय ९ मतको फराकिलो अन्तरले पराजित गर्दै श्रेष्ठ सभापतिमा निर्वाचित भएका हुन् ।

श्रेष्ठले ८ सय ९० मत ल्याउँदा बस्यालले ३ सय ८१ मत ल्याए । नवनिर्वाचित सभापित श्रेष्ठ केन्द्रीय राजनीतिमा बरिष्ठ नेता रामचन्द्र पौडेल र पूर्वमहामन्त्री प्रकाशमान सिंहनिकट हुन् । उनी नेविसंघको अघिल्लो महाधिवेशनमा पौडेल पक्षबाट महामन्त्रीको उम्मेदवार रहेका थिए ।