विमलेन्द्रका प्रतिबद्धता : कांग्रेस रुपान्तरणदेखि पुस्तान्तरणसम्म (पूर्णपाठ)

काठमाडौं । आसन्न १४औं महाधिवेशनमा सभापतिको उम्मेदवारी घोषणा गरेका नेपाली कांग्रेसका उपसभापति विमलेन्द्र निधिले प्रतिबद्धता र योजना सार्वजनिक गरेका छन् ।

विहीबार नयाँ बानेश्वरमा रहेको आफ्नो सम्पर्क कार्यालयबाट प्रतिबद्धता र योजना सार्वजनिक गर्दै निधिले पार्टी सुदृढीकरण र आगामी निर्वाचनमा कांग्रेसको बहुमतका आफ्नो उम्मेदवारी रहेको बताए ।

‘वैचारिक रूपमा स्पष्ट कांग्रेस, गतिशील कांग्रेस, जनतासँग जोडिने कांग्रेस – संघीय लोकतान्त्रिक गणतन्त्रलाई सुदृढ र सार्थक पार्ने कांग्रेस’ नारा दिएर योजना सार्वजनिक गरेका निधिले भनेका छन्, ‘परिवर्तित राजनीतिक प्रणालीको व्यवहारिक पक्षहरूलाई सार्थक गर्नुपर्ने विवेक र तर्कको कसीमा मेरो यो उम्मेदवारी रहेको समेत स्पष्ट गर्न चाहन्छु ।’