पूर्णबहादुरको गृहजिल्लामा देउवा पक्षको शतप्रतिशत नतिजा – Nepal Press

पूर्णबहादुरको गृहजिल्लामा देउवा पक्षको शतप्रतिशत नतिजा

सुर्खेत । नेपाली कांग्रेसको १४ औं महाधिवेशन अन्तर्गत सुर्खेतमा संस्थापन पक्षले शतप्रतिशत नतिजा निकालेको छ । महामन्त्री पूर्णबहादुर खड्काको गृहजिल्ला सुर्खेतका दुवै निर्वाचन क्षेत्रबाट संस्थापन पक्षका महाधिवेशन प्रतिनिधि निर्वाचित भएका छन् ।

क्षेत्र नम्बर १ बाट महामन्त्री खड्का पनि सर्वाधिक मतसहित महाधिवेशन प्रतिनिधिमा निर्वाचित भएका छन् । ८ सय ७४ मत खसेकोमा खड्काले ७ सय ३६ मत पाए । स्वतः महाधिवेशन प्रतिनिधि हुने भएपनि खड्का गृहजिल्लाबाट निर्वाचित भएका हुन् ।

सुर्खेतको दुवै क्षेत्रका सबै महाधिवेशन प्रतिनिधि खड्कानिकट प्यानलले जितेको छ । संस्थापनइतर पक्षका जिल्ला सभापति कमलराज रेग्मी क्षेत्र नम्बर २ बाट महाधिवेशन प्रतिनिधिमा पराजित भएका छन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर