सामूहिक फोटोसुट गर्दै सकियो एमाले स्थायी कमिटीको अन्तिम बैठक – Nepal Press

सामूहिक फोटोसुट गर्दै सकियो एमाले स्थायी कमिटीको अन्तिम बैठक

काठमाडाैं । ९ औं महाधिवेशनबाट निर्वाचित नेकपा एमाले स्थायी कमिटीको अन्तिम बैठक मंगलबार बसेको छ । तुल्सिलाल स्मृति प्रतिष्ठानमा बसेको अन्तिम बैठकपछि सामूहिक फोटोसुट गर्दै नेताहरु छुट्टिए ।

१० औं महाधिवेशनको संघारमा रहेको एमालेले मंगलबारको स्थायी कमिटी बैठकबाट पाँच प्रतिशत महाधिवेशन प्रतिनिधि मनोनयन गर्ने निर्णय गरेको थियो । बैठकले १०३ जना मनोनयनका लागि सिफारिस गर्न नाम प्रस्ताव गरेको हो ।

यस्तै अध्यक्ष केपी शर्मा ओलीसहितको ११ सदस्यीय अध्यक्ष मण्डल गठन पनि मंगलबारको बैठकले गरेको छ । बैठकले उपाध्यक्षहरु युवराज ज्ञवाली, अष्टलक्ष्मी शाक्य, भीम रावल र महासचिव ईश्वर पोखरेलसहितको अध्यक्ष मण्डल गठन गरेको हो ।

त्यस्तै अध्यक्ष मण्डलमा सुवास नेम्वाङ, रामवहादुर थापा बादल, टोपवहादुर रायमाझी, छबिलाल विश्वकर्मा, लालबाबु पण्डित र गोमा देवकाटा रहेका छन् ।

बैठकले सचिव पृथ्वीसुब्बा गुरुङसहितको माइन्युट कमिटी समेत गठन गरकेो छ । कमिटीमा नेताहरु सुर्य थापा, विष्णु रिजाल, मनोज थापा, ठाकुर गैरे, गोविन्द नेपाली र ज्वालाकुमारी साह रहेका छन् ।

स्थायी कमिटी बैठकमा महाधिवेशन प्रतिनिधिको बारेमा समेत छलफल भएको छ । हालसम्म रौतहट, महोत्तरीसहित केही ठाउँका प्रतिनिधि चयन हुन बाँकी रहेको एमालेले जनाएको छ ।

मंगलबारको स्थायी कमिटी बैठकले गरेका निर्णय अनुमोदन गर्न पार्टीको केन्द्रिय कमिटीको अन्तिम बैठक चितवनमा गर्ने निर्णय गरेको छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर