सिन्धुपाल्चोकका ९५ वडामा माओवादीको सम्मेलन सकियो, सबैमा सर्वसम्मत नेतृत्व – Nepal Press

सिन्धुपाल्चोकका ९५ वडामा माओवादीको सम्मेलन सकियो, सबैमा सर्वसम्मत नेतृत्व

सिन्धुपाल्चोक । नेकपा माओवादी केन्द्रले सिन्धुपाल्चोकमा एकैदिन ९५ वडामा सम्मेलन गरेको छ । १०३ मध्ये आठ वडामा भने सम्मेलन हुन नसकेको माओवादी केन्द्रले जानकारी दिएको छ ।

जिल्लाका सबै वडामा एकैदिन सम्मेलन सम्पन्न गर्ने योजना भएपनि केही प्राविधिक कारणले सम्मेलन हुन नसकेको माओवादी केन्द्र सिन्धुपाल्चोकका संयोजक गोविन्द पराजुलीले जानकारी दिए ।

सम्मेलन सकिएका सबै वडाहरुमा सर्वसम्मत रुपमा नेतृत्व चयन भएको उनले बताए । सबै वडाहरुमा आन्तिरक एकता मजबुत बनाउँदै नेतृत्व चयन भएको छ पराजुलीले भने–‘कतै पनि निर्वाचन गर्नु परेन, सबै नेता, कार्यकर्ताहरुको सहयोगले सम्मेलन सम्पन्न भयो ।’

सम्मेलन गर्न बाँकी रहेका वडाहरुमा मंसिर १० गतेभित्र गर्ने माओवादीले जानकारी दिएको छ । बाँकी वडाको सम्मेलन सकिएपछि मंसिर ११ गते पालिका सम्मेलन हुनेछ ।

माओवादीले पहिलोपटक वडा तहसम्म सम्मेलन गरेर नेतृत्व छनोट गरेको थियो । वडा सम्मेलनमा माओवादी केन्द्रीय सदस्यहरु कृष्णप्रसाद सापकोटा, माधव सापकोटा, युवराज दुलाल, नेताहरु सरल सहयात्री, जिल्ला संयोजक गोविन्द पराजुलीलगायतका नेताहरु वडा वडामा पुगेका थिए ।

वडा सम्मेलनको अवसरमा कांग्रेस, एमालेलगायतका पार्टी परित्याग गरेर सयौ माओवादीमा प्रवेश गरेको माओवादी केन्द्रका केन्द्रीय सदस्य युवा नेता माधव सापकोटाले जानकारी दिए ।

कांग्रेस, राप्रपा, एमालेहुँदै अहिले माओवादी केन्द्रसहित प्रमुख राजनीतिक दलहरु आफ्नो अधिवेशन, सम्मेलनका लागि गाउँगाउँमा पुग्दा स्थानीयलाई चुनावी झल्कोको रुपमा लिएका छन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर