जर्जिन्हो पेनाल्टीमा चुक्दा इटाली रोकियो – Nepal Press

जर्जिन्हो पेनाल्टीमा चुक्दा इटाली रोकियो

काठमाडौं । अन्तिम मिनेटमा पाएको पेनाल्टीको सदुपयोग गर्न नसक्दा युरोपियन च्याम्पियन इटाली फिफा विश्व कप २०२२ का लागि युरोपेली छनोटमा स्विट्जरल्यान्डसँग बराबरीमा रोकिएको छ ।

शुक्रबार राति घरेलु मैदानमा भएको खेलमा ९०औं मिनेटमा पाएको पेनाल्टीमा मिडफिल्डर जर्जिन्होले गरेको प्रहार बाहिरिँदा इटाली अग्रता बनाउन चुकेको थियो । यो नतिजासँगै इटालीले सिधै विश्व कपमा छनोट हुने मौका गुमाएको छ ।

खेलमा स्विट्जरल्यान्डले सिल्भान विडमेरको गोलबाट ११औं मिनेटमा अग्रता बनाएको थियो । ३६ मिनेटमा जिओभानी डे लोरेन्जोले बराबरी गोल गरेका थिए । अन्तिम समयमा भारको सहायताले पेनाल्टी पाए पनि इटली जित निकाल्न सफल भएन ।

खेलपछि समूह ‘सी’मा सात चरणका खेल सकिँदा इटली र स्विट्जरल्यान्ड १५/१५ अंकमा साथ क्रमश: पहिलो र दोस्रो स्थानमा छन् ।

समूह ‘सी’ को खेलमा उत्तरी आयरल्याण्ड र लिथुआनियाले १-१ गोलको बराबरी खेल्दै अंक बाँडेका छन् ।


प्रतिक्रिया

Leave a Reply

Your email address will not be published. Required fields are marked *