न्यायाधीशहरूलाई प्रधानन्यायाधीशको सकारात्मक रेस्पोन्स, बन्दी प्रत्यक्षीकरणबाहेकका मुद्दा स्थगित

काठमाडौं । प्रधानन्यायाधीश चोलेन्द्र शम्शेर राणाले बन्दी प्रत्यक्षीकरणबाहेकका मुद्दा आज स्थगित गरेका छन् । असन्तुष्ट न्यायाधीशहरूले हिजो तीन सदस्यीय वार्ता टोली गठन गरेछि प्रधानन्यायाधीशले सकारात्मक रेस्पोन्स गरेका हुन् ।

हिजो न्यायाधीशहरूको बैठकले सपना मल्ल प्रधान, अनिल सिन्हा र मनोज शर्माको वार्ता टोली गठन गरेको थियो । त्यससँगै प्रधानन्यायाधीशले आज पेसी तोक्दा बन्दी प्रत्यक्षीकरणबाहेकका अरु मुद्दा स्थगित गरेका हुन् । बन्दी प्रत्यक्षीकरणका लागि ६ वटा इजलास गठन गरिएका छन् ।

न्यायाधीशहरूले प्रधानन्यायाधीशको राजीनामा माग्दै इजलास बहिष्कार गर्दै आएका छन् । त्यससँगै प्रधानन्यायाधीश राणाले आफ्नो इजलास भने जारी राखेका थिए । आज उनले आफ्नो पनि इजलास नतोकेपछि न्यायाधीश र प्रधानन्यायाधीशबीच संवादको वातवरण बन्ने अपेक्षा छ ।

न्यायाधीशहरुले पेसी स्थगित गरेर केही दिन बिदामा बस्ने आशयको सन्देश प्रधानन्यायाधीशलाई पठाएको बुझिएको छ ।