डिनो मोरियाको फिल्म सुटिङ नेपालमा हुँदै, नोभेम्बर ८ देखि काठमाडौं र पोखरामा लोकेसन खोजी – Nepal Press

डिनो मोरियाको फिल्म सुटिङ नेपालमा हुँदै, नोभेम्बर ८ देखि काठमाडौं र पोखरामा लोकेसन खोजी

काठमाडौं । बिग बजेटको अर्को एक बलिउड फिल्म छायांकनलाई नेपाल आउने भएको छ । नायक डिनो मोरियाको मुख्य भूमिका रहने फिल्मको छायांकनको लागि लोकेसन हन्टिङ नोभेम्बर ८ देखि काठमाडौंमा सुरु हुँदैछ ।

काठमाडौं, पोखरा, चितवन र मुस्ताङमा लोकेसन हन्टिङ हुने जानकारी फिल्मको नेपाल व्यवस्थापन हेर्ने कम्पनीले नेपाल प्रेसलाई जानकारी दिएको छ ।

कम्पनीका अनुसार लोकेसन हन्टिङ गर्न नोभेम्बर पहिलो साता बलिउड टोली काठमाडौं अवतरण गर्नेछ । डिसेम्बर पहिलो सातादेखि छायांकन सुरु हुने फिल्मको सुटिङ युनिट २० दिन नेपालमा रहनेछ ।

‘बलिउडको ठूलै ब्यानर आउने निश्चित भएको छ र हामी नोभेम्बर ८ देखि लोकेसन हन्टिङमा जाँदैछौं’ कम्पनीका एक पदाधिकारीले नेपाल प्रेसलाई भने, ‘हामीलाई डिनो मोरियाको फिल्म भनिएको छ । थप उनीहरु आएपछि थाहा होला ।’

पछिल्लो समय नेपाल बलिउडको आकर्षक सुटिङ गन्तव्य बनिरहेको छ । अनुपम खेर र बोमन इरानी स्टारर ‘उचाइ’को छायांकन अहिले मनाङमा भैरहेको छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर