फिल्म ‘काँडेतार’मा गौरव र रेविकाले जोडी बाँध्ने, मंसिरदेखि छायांकन सुरु हुँदै

काठमाडौं । नवल खड्काले निर्माण एवं निर्देशन गर्ने फिल्म ‘काँडेतार’को प्रमुख नायिकामा रेविका गुरुङ अनुबन्धित भएकी छिन् । फिल्मर्की अर्की एक नायिका आजै सार्वजनिक गर्ने तयारी भएको छ ।

राजनीतिक कथावस्तुमा निर्माण हुने यो फिल्ममा गुरुङको अनस्क्रिन जोडी गौरव पहारीसँग बाँधिने भएको छ । पहारी यसअघि नै मुख्य भूमिकामा छानिएका छन् । निर्देशक समेत रहेका नवल स्वयम पनि फिल्मको प्रमुख भूमिकामा देखिने भएका छन् ।

मंसिर पहिलो सातादेखि छायांकन सुरु हुने फिल्ममा रेबिकाले अनुबन्धित भएको जानकारी निर्माता समेत रहेका खड्काले जानकारी दिए । रेविकाले यसअघि मारुनी फिल्ममा अभिनय गरेकी थिइन् ।

निर्देशक खड्काको समेत मुख्य अभिनय हुने फिल्ममा रविन्द्र रञ्जन झाको समेत मुख्य अभिनय हुनेछ । ‘दुई मुलुकबीचको खुला सीमालाई सिल गर्नुपर्छ’ भन्ने मुख्य कथावस्तु यो फिल्मा हुनेछ ।