एमाले वडाध्यक्षलाई माओवादीमै फर्काउने प्रयास, रुद्र सापकोटाको भिडियो आधिकारिक कि विज्ञिप्ति ? – Nepal Press

एमाले वडाध्यक्षलाई माओवादीमै फर्काउने प्रयास, रुद्र सापकोटाको भिडियो आधिकारिक कि विज्ञिप्ति ?

सिन्धुपाल्चोक । गाउँ तहका अधिकांश सक्रिय कार्यकर्ता एमालेमा लागेपछि सिन्धुपाल्चोक माओवादी आत्तिएको छ ।

अहिले माओवादीले एमालेमा लागेका कार्यकर्तालाई ‘जसरी पनि’ माओवादीमै फर्काउने अनेक प्रयास गरिरहेको छ ।

शनिबार भएको वडा अधिवेशनमा चौतारा–साँगाचोकगढी नगरपालिका– ४ मा यसअघि माओवादी केन्द्रमा रहेका रुद्रप्रसाद सापकोटा राजिखुसीमै एमालेको वडाध्यक्ष बने । एमालेको वडा अध्यक्ष भएपछि उनले ‘सानो रुखभन्दा ठूलो रुखकै ओत लाग्नु राम्रो’ भएको प्रतिक्रिया दिएका थिए ।

उनले वडाध्यक्षको जिम्मेवारी दिलाउन सहयोग गरेका एमाले नेता कार्यकर्ताप्रति आभार प्रकट गरेका थिए । तर उनले अध्यक्ष निर्वाचित भएको केही समयपछि विज्ञप्ति जारी गर्दै आफू माओवादीमै रहेको बताए ।

वडाध्यक्ष निर्वाचित भएपछि सापकोटा दिएको मन्तव्य सुन्नुहोस्

त्यसपछि उनले निकालेको विज्ञप्ति यस्तो छ–

यसले माओवादीले जबरजस्त एमालेबाट छुटाएको जिल्लाका एमाले नेताहरुले बताइरहेका छन् । वडा अधिवेशनमा गएका एमाले नेता एवम् प्रदेशसभा सदस्य सरेश नेपालले भने, ‘एमालेप्रति माओवादी कार्यकर्ताको आकर्षण बढेका कारण सिन्धुपाल्चोकमा माओवादी आत्तिएको छ, एमालेमा आएका नेता कार्यकर्तालाई जबरजस्ती माओवादीमै रहेको भन्न लगाइएको छ ।’

चौतारा–साँगाचोक गढीसँगै जिल्लाका धेरै वडामा माओवादी परित्याग गरी एमाले प्रवेश गरेकाहरुले विभिन्नखाले जिम्मेवारी पाएको उनले बताए । केही दिनअघि मात्रै बलेफी गाउँपालिकाको एक बस्तीका सबै एमालेमा प्रवेश गरेका थिए ।

माओवादीका नेता दावा तामाङसँगै प्रदेश कमिटी र जिल्ला कमिटीमा पनि थुप्रै पूर्वमाओवादी नेता, कार्यकर्ता समेटिएको नेता नेपालले बताए ।

माओवादी गढ भत्कँदैछ– नेता नेपाल

माओवादीको मुकाम मानिएको सभामुख अग्निप्रसाद सापकोटाको गाउँमा वडा अधिवेशन सम्पन्न गराउन पुगेका नृेता नेपालले क्रमशः माओवादीको असली चरित्र उदाङ्गो हुँदै गएको बताएका थिए ।

माओवादी कांग्रेसपरस्त भएको भन्दै उनले भने– माओवादीको कांग्रेसपरस्त विसर्जनवादी चरित्रको चिरफार भएको छ ।

प्रचण्डले एमाले अध्यक्ष ओलीविरुद्ध हानेको भनिएको १९ बुँदे बम प्रचण्डका लागि सुसाइड नोट जस्तै भएको छ । त्यसैले उनी अचेल मर्ने कुरा गरिरहन्छन् ।

सभामुख अग्निप्रसाद सापकोटाले एमालेले कारबाही गरेका सांसदलाई पदमुक्त नगरेको आक्रोश पोख्दै उनले भने– सभामुखले संसदीय अभ्यासमा नै कलंक लगाएका छन्, यो क्षम्य हुँदैन ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर