मोदीद्वारा १९ महीनामा दशौंपटक देशवासीलाई सम्बोधन : कोरोनाभाइरस नियन्त्रण गर्ने प्रतिबद्धता

नयाँ दिल्ली । प्रधानमन्त्री नरेन्द्र मोदीले आज बिहान दशौं पटक देशबासीको नाममा सम्बोधन गरेका छन् । कोरोना महामारी सुरु भएको १९ महिनामा देशबासीको नाममा मोदीले १० औं पटक सम्बोधन गरेका हुन् ।

मोदीले शुक्रबार बिहान गरेको २० मिनेटको सम्बोधनमा भारतको १ अर्ब जनसंख्यालाई कोरोनाविरुद्धको खोप लगाइएको सफलतामा केन्द्रित थियो । साथै, प्रधानमन्त्री मोदीले कोरोना महामारी नियन्त्रणमा पनि सफलता प्राप्त गर्न सरकार लागिपर्ने बताएका थिए । साथै, उनले अर्थव्यवस्था, किसान र चाडपर्वबारे पनि सम्बोधनमा बोलेका छन् ।

मोदीले १ अर्ब डोज खोप लगाएर ठूलो सफलता हासिल गरेको बताए । ‘भारतले १०० करोड खोप डोजको कठिन लक्ष्य हासिल गरेको छ । यसको पछाडि १३० करोड देशवासीहरुको शक्ति छ’ उनले भने । यती मात्र होइन नभएर भारतले अझै लक्ष्य हासिल गर्नको लागि र आफ्नो संकल्प पूर्तिको लागी कडा मेहनत गरेर अघि बढ्ने समेत बताए ।

‘भारतले गरेको प्रयासलाई देखेर देशभर प्रशंसा भइरहेको छ । खोप आपूर्तिको चुनौतिसँग लड्न सफल भएकोमा चारैतिर उत्साह भएको छ । देशको अर्थव्यवस्था बलियो भएको छ’ मोदीले भने । कोरोना महामारीको सामना भारतले कसरी गर्छ भनेर सोधिएको प्रश्नमा उनले १ अर्ब डोज खोपको सफलताले आलोचनालाई जवाफ दिएको बताए ।

साथै मोदीले देशबासीलाई मास्क लगाउने बानी नछोड्न र चाडपर्व मनाउँदा सावधानीका साथ मनाउन आग्रह गरेका छन् । कोरोनालाई हराउन सक्षम हुने समेत विश्वास उनले व्यक्त गरे । यसअघि मोदीले १८ वर्षभन्दा माथिका सबै नागरिकलाई जून २१ बाट कोरोना भ्याक्सिन निःशुल्क पाउने र ८० करोड गरिब जनतालाई गरीब कल्याण अन्न योजनाअन्तर्गत तिहारसम्म सम्म निःशुल्क राशनको व्यवस्था घोषणा गरेका थिए ।