फिल्म सुटिङमा हिरोले बन्दुक पड्काउँदा छायांकारको मृत्यु, निर्देशक घाइते ! – Nepal Press

फिल्म सुटिङमा हिरोले बन्दुक पड्काउँदा छायांकारको मृत्यु, निर्देशक घाइते !

न्यूयोर्क । हलिउड फिल्मको सुटिङ सेटमा अभिनेता एलेक बाल्डविनले बन्दुक पड्काउँदा छायांकारको मृत्यु भएको छ भने निर्देशक घाइते भएका छन् ।

भेराइटी म्यागजिनका अनुसार बिहीवार बिहान अमेरिकाको न्यू मेक्सिकोमा फिल्म ‘रस्ट’ छायांकन सेटमा यस्तो घटना भएको हो ।

सिनेम्याटोग्राफर हाल्याना हचिनको मृत्यु भएको छ भने निर्देशक जोएल सउजा घाइते भएका छन् । ४२ वर्षिय छायांकार हचिनलाई न्यू मेक्सिका युनिभर्सिटीमा हेलिकोप्टरबाट लैजाँदा मृत्यु भएको हो ।

घाइते निर्देशक सउजालाई स्थानीय सान्टा फे काउन्टीको अस्पताल लगेर उपचार भैरहेको छ । अभिनेता बाल्डविनले सक्कली बन्दुक नै पड्काउँदा यस्तो घटना भएको फिल्म निर्माण युनिटले भेराइटीलाई बताएको छ । अहिले सान्टा फे प्रहरीले घटनाको अनुसन्धान गरिरहेको छ ।


प्रतिक्रिया

Leave a Reply

Your email address will not be published. Required fields are marked *