मिस युनिभर्स नेपालका १६ सुन्दरीको क्याटवाक (तस्बिरहरु) – Nepal Press

मिस युनिभर्स नेपालका १६ सुन्दरीको क्याटवाक (तस्बिरहरु)

काठमाडौंँ । यसवर्षको मिस युनिभर्स नेपालका अन्तिम १६ जना प्रतिस्पर्धी छानिएका छन् । यी सेमिफाइनलिस्टले बिहीवार साँझ याक एन्ड यति होटलमा आयोजित पत्रकार सम्मेलनमा ग्रान्ड फिनालीको तयारीबारे प्रस्तुति दिए ।

आयोजक उमङ्ग क्रियसनले प्रेस प्रिजेन्टेसन कार्यक्रमको आयोजना गर्दै प्रतियोगीलाई इन्डोर्स गरेको हो । सबैजना प्रतिस्पर्धीले क्याटवाक हिँड्दै रेडकार्पेट नापे । उनीहरुले मिडियासामु परिचय र भविष्यको योजनाबारे कुरा राखे ।

प्रतिस्पर्धीले आत्महत्या, यौन शिक्षा, महिनावारी, दन्त चिकित्सा, महिला सशक्तिकरण, मानसिक स्वास्थ्य, बलात्कार, बालबालिकको शिक्षा विषयमा छोटो भिडियो पनि प्रस्तुत गरे ।

अन्तिम १६ बाट अबदेखि अन्तिम १० जना प्रतिस्पर्धी छानिने भएका छन् । यसका लागि प्रतिशत अंक प्रतियोगीले बनाएको भिडिओ र ५० प्रतिशत आईएमई एपमा प्रतियोगीलाई प्राप्त भोटिङमार्फत हुनेछ ।

सोही एपबाट मिस ‘युनिभर्स नेपाल २०२१’को पिपुल्स च्वाइसमा मतदान गर्न सकिने र ग्राण्ड फिनालीको टिकट समेत पाइने जनाइएको छ । ग्रान्ड फिनाली १३ कार्तिक १३ गते शनिबार आयोजना हुनेछ । टाइटल विजेताले १२ डिसेम्बरमा इजरायलमा आयोजना हुने ‘मिस युनिभर्स’मा नेपालको प्रतिनिधित्व गर्नेछिन् ।

        

 

प्रतिक्रिया

Leave a Reply

Your email address will not be published. Required fields are marked *

सम्बन्धित खवर