अमेरिकामा बुस्टर डोज लगाइने : जोन्सन र मोर्डना खोपलाई अनुमति – Nepal Press

अमेरिकामा बुस्टर डोज लगाइने : जोन्सन र मोर्डना खोपलाई अनुमति

वासिङ्टन । लाखौं अमेरिकीले चाँडै कोभिड-१९ विरुद्धको बुस्टर डोज प्राप्त गर्ने भएका छन् । त्यहाँको आधिकारिक निकाले बुस्टर मात्राका लागि मोर्डना र जोन्सन एन्ड जोन्सनलाई अनुमति दिएको छ ।

फुड एन्ड ड्रग एडमिनिस्ट्रेसनको यो मान्यतापछि अब अमेरिकी नागरिकहरुलाई तेस्रो डोज दिने बाटो खुलेको छ ।

भाइरस संक्रमणको कारण ७ लाख २९ हजार जनाको मृत्यु भएको बेला बुस्टर डोजबारे निर्णय भएको हो । अहिले पनि लाखौं अमेरिकीले खोपको पहिलो मात्रा पनि लगाउन पाएका छैनन् ।

बाइडेन प्रशासनले हामीले बुस्टर डोजलाई देशव्यापी वितरण गर्ने घोषणा गर्दा यसको विरोध भएको थियो । बिहीवार जोन्सन एन्ड जोन्सन १८ वर्ष उमेरभन्दा माथिकालाई लगाउन अनुमति मिलेको छ ।

मोर्डनाको बुस्टर डोज भने ६५ वर्षभन्दा माथिको उमेरका नागरिक, गम्भीर तथा दीर्घरोगीलाई दिने भनिएको छ । पहिलो डोज लगाएको ६ महीनापछि मात्र मोर्डनाको बुस्टर डोज दिइने निर्णय भएको छ ।

यसअघि लगाएकै खोपको बुस्टर डोज दिइने भएको छ । तर, चिकित्सकको सल्लाहमा अर्को खोपको बुस्टर डोज पनि लगाउन सकिने भएको छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर