‘उचाइ’ फिल्म युनिट चामे पुग्यो, लुक्ला र नाम्चे सुटिङ इन्ड-क्ल्याप

काठमाडौं । दुई सातादेखि नेपालमा छायांकन भैरहेको बलिउड फिल्म ‘उचाइ’ युनिट आज मनाङ पुगेको छ । लुक्ला र नाम्चेमा छायांकन सकेपछि फिल्म युनिट चामे पुगेको हो ।

फिल्म छायांकनको नेपाल व्यवस्थापन हेरेको कम्पनी थ्री ह्विलर्सका अनुसार चामेमा डेढसाता फिल्म सुट हुनेछ । त्यसपछि फिल्म युनिट मुम्बइ फर्कने योजना रहेको जनाइएको छ ।

सुरज वर्जत्यले निर्देशन गरिरहेको फिल्म खराब मौसमका कारण मंगलबार मात्र नाम्चे पुगेको हो । दुई अधवैंशे पुरुषको मित्रता र उनीहरुको घुमघामको कथा भन्ने फिल्ममा अनुपम खेर र बोमन इरानीको मुख्य भूमिका छ ।

परिणिती चोपडासहितका अन्य कलाकार पनि छन् । कलाकारहरुले सामाजिक संजालमा हिमाली क्षेत्रका तस्बिर सेयर गरिरहेका छन् ।