प्युठानमा खोलाले बगाएर एकको मृत्यु, दुई जना बेपत्ता – Nepal Press

प्युठानमा खोलाले बगाएर एकको मृत्यु, दुई जना बेपत्ता

रूपन्देही । प्युठानमा खोलाले बगाएर बुधवार बिहान एक जनाको मृत्यु भएको छ। दुईजना बेपत्ता भएका छन्।

जिल्लाको माण्डवी गाउँपालिका–४ आँपचौर बस्ने २८ वर्षीय देवीसरा कार्कीको मृत्यु भएको हो भने उनका दुई बर्षीया छोरा दिनेश कार्की र स्थानीय मधु अधिकारीको ८ बर्षीया छोरी अनुस्का अधिकारी बेपत्ता भएको जिल्ला प्रहरी कार्यालय प्युठानका प्रवक्ता प्रहरी निरीक्षक देवीप्रसाद गैरेले जानकारी दिए ।

गैरेका अनुसार उनीहरुलाई अस्पताल जाने क्रममा आज बिहान साढे आठ बजेतिर घर नजिकैको अरङखोलाले बगाएको थियो । देवीसराको शव माण्डवी (२ ढिकावनमा फेला परेको जिल्ला प्रहरी कार्यालयले जनाएको छ।

खोलामा बेपत्ता भएका दुई जनाको अवस्था अझै पत्ता लागेको छैन। सुरक्षाकर्मी र स्थानीय मिलेर बेपत्ताहरुको खोजी कार्य गरिरहेको प्रहरी निरीक्षक गैरेले बताए । सोमबारदेखि जिल्लामा निरन्तर पानी परेकाले खोला र नदीहरुमा पानीको बहाब बढेको छ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर