वडा र पालिका अधिवेशनको पूर्वसन्ध्यामा एमाले स्थायी कमिटी बैठक बस्दै
नेपाल प्रेस
२०७८ कार्तिक ३ गते ११:३०
काठमाडौं । नेकपा एमालेले कात्तिक ६ बाट शुरु हुने वडा र पालिका अधिवेशनको लागि आवश्यक नीतिगत निर्णय गर्न स्थायी कमिटी बैठक बोलाएको छ । अध्यक्ष केपी शर्मा ओलीसँग छलफलपछि महासचिव ईश्वर पोखरेलले विहीवारका लागि बै७क बोलाएका हुन् ।
विधान महाधिवेशनको समिक्षा समेत गर्नेगरि बस्न लागेको बैठकले तल्ला तहका अधिवेशनहरुको लागि केन्द्रबाट दिइने मार्गदर्शन तथा १० बुँदे कार्यन्वयनमा समस्या भएका ठाउँहरुको बारेमा समेत टुंगो लगाउनेछ ।
एमालेको दशौं राष्ट्रिय महाधिवेशन मंसिरमा हुँदैछ । विधान महाधिवेशनपछि पहिलो पटक बस्न लागेको बैठकमा समग्र विषयमा छलफल हुने नेताहरुले बताएका छन् ।
नेपाल प्रेस
प्रकाशित: २०७८ कार्तिक ३ गते ११:३०
प्रतिक्रिया
सम्बन्धित खवर
