इटालीबाट ए डिभिजन लिग खेल्न विकाश मेराग्लिया नेपाल आइपुगे – Nepal Press

इटालीबाट ए डिभिजन लिग खेल्न विकाश मेराग्लिया नेपाल आइपुगे

काठमाडौं । इटालीमा बसेर व्यावसायिक फुटबल खेलिरहेका युवा स्ट्राइकर विकाश मेराग्लिया शहीद स्मारक ए डिभिजन लिग खेल्न नेपाल आइपुगेका छन् ।

इटालीको एटलान्टा क्लबको युवा टोलीमा रहेर नियमित फुटबल खेलिरहेका विकासले आगामी कात्तिक २९ गतेदेखि हुने ए डिभिजन लिग खेल्न नेपाल आएका हुन् ।

उनले कुन क्लबबाट खेल्ने आधिकारिक युवा घोषणा नभए पनि च्यासल युथ, मच्छिन्द्र लगायतका क्ल्बबाट खेल्ने चर्चा छ ।

यसअघि विकाशले पनि फेसबुकमा ‘म नेपाल आउँदै छु’ भनेर स्ट्याटस लेखेका थिए । इटालीमा रहेर व्यावसायिक फुटबल खेलिरहेका विकाशले इटालीको यु–१७ टोलीबाट खेलिसकेका छन् ।

स्यालरी स्पोर्ट्समा उल्लेखित डेटाअनुसार विकाश एट्लान्टाका खेलाडी हुन्, र उनी १२ हजार डलरभन्दा बढी मुल्यमा एट्लान्टाको युवा टोलीमा अनुबन्धित थिए । १९ वर्षीय विकाशको एट्लान्टासँगको सम्झौता २०२२ जुन ३० मा समाप्त हुनेछ ।

पछिल्लो समय चर्चाको शिखरमा रहेका विकाशलार्य इटालियन युथ फुटबलमा प्रभावशाली खेलाडीका रूपमा हेरिएको छ ।

उनी इटालीबाट फ्लाइ दुबईमार्फत मंगलबार बेलुका ६ः३५ बजे त्रिभुवन विमानस्थलमा अवतरण गरेका हुन् । उनी सन् २००८ मा ६ वर्षको उमेरमा इटाली गएका थिए ।

प्रतिक्रिया

Leave a Reply

Your email address will not be published. Required fields are marked *