परराष्ट्रमन्त्री खड्का र चिनियाँ विदेशमन्त्रीबिच ‘भर्चुअल वार्ता’ – Nepal Press

परराष्ट्रमन्त्री खड्का र चिनियाँ विदेशमन्त्रीबिच ‘भर्चुअल वार्ता’

काठमाडौं । परराष्ट्रमन्त्री डा.नारायण खड्का र चीनका विदेशमन्त्री वाङ यी बिच भर्चुअल वार्ता भएको छ । परराष्ट्र मन्त्रालयका अनुसार वार्तामा आपसी सम्बन्ध, हित प्रबर्धन र साझा आयोजनाबारे छलफल भएको छ ।

बेल्ट एण्ड रोड इनिसियटिभ (बिआरआई) अन्तर्गत सूचीकृत भएका परियोजनाहरु, नेपाल–चीन सीमा सरोकार र अन्य विविध विषयमा छलफल भएको बताइएको छ । झण्डै एक घण्टा लामो छलफलमा चिनियाँ विदेशमन्त्री यीले नेपालको पछिल्लो अवस्थाबारे चासो राखेका थिए ।

परराष्ट्रमन्त्री खड्काले नेपालको मित्रराष्ट्रका रुपमा चीन सरकारबाट प्राप्त सद्भाव र सहयोग निरन्तर रहने विश्वास व्यक्त गरेका थिए । वार्ताबारे परराष्ट्र मन्त्रालयले विज्ञप्ती जारी गर्ने तयारी गरेको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर