खुर्कोट-दिक्तेल सडकखण्डमा पहिरो, सवारी आवागमन अवरुद्ध – Nepal Press

खुर्कोट-दिक्तेल सडकखण्डमा पहिरो, सवारी आवागमन अवरुद्ध

काठमाडौं । मध्यपहाडी लोकमार्ग अन्तरगत खुर्कोट–दिक्तेल सडकमा पहिरो जाँदा सवारी आवागमन अवरुद्ध बनेको छ । उक्त लोकमार्गको हैजारबेसी खण्डमा पर्ने अक्कडेभीरमा आज बिहानै पहिरो गएको हो ।

अहिले पनि वर्षा नरोकिएको हुँदा पहिरो पन्छाउने काम हुन नसकेको सो सडकखण्डमा ड्यूटीमा रहेकी प्रहरी जवान संगीता शर्माले बताइन् । सवारी अवागमन कहिले सुचारु हुन्छ भन्ने अनिश्चित रहेको उनको भनाइ छ ।

सडक अवरुद्ध भएपछि त्यहाँ यात्रारत सयौं यात्रु तथा सवारीसाधनहरु अलपत्र परेका छन् । काठमाडौंबाट विभिन्न गन्तव्यमा हिँडेकाहरु बाटो तत्काल नखुल्ने देखेपछि फेरि काठमाडौं फर्किन थालेका छन् ।


प्रतिक्रिया

Leave a Reply

Your email address will not be published. Required fields are marked *