खड्कुँलोमा चढेर विवाह मण्डपमा पुगे दुलाहादुलही
नेपाल प्रेस
२०७८ कार्तिक २ गते १४:१९
दिल्ली । भारतको दक्षिणी राज्य करेलामा विवाह गर्न दुलाहा र दुलही पकाउने भाँडा(खड्कुँलो)मा चढेर विवाह मण्डपमा पुगेका छन् ।
शुक्रबारदेखि लगातार भारी बर्षाका कारण खड्कुँलोलाई डुङ्गा बनाएर उनीहरु विवाह गर्न मन्दिरसम्म पुगेका हुन् ।
आकाश र ऐश्वर्या तोकिएकै मितिमा विवाह गर्न लागेका थिए। उनीहरू दुवै जना स्वास्थ्यकर्मी हुन्।
विवाह गर्ने मन्दिर केही डुबेको थियो । उनीहरूलाई नातेदारले अर्को मन्दिरबाट सापट लिएको खड्कुँलोमा राखेर विवाहस्थलसम्म तानेर पुर्याएका थिए।
करेलामा शुक्रबारदेखि निरन्तर बर्षाका कारण बाढी र पहिरोले आक्रान्त बनेको छ । त्याहाँ ठूलो धनजनको क्षति भएको छ भने बाढीका कारण बाटो र बिजुली पनि अवरुद्ध भएको छ ।
उद्धारको काम गर्न समेत निकै कठिन भएको भारतीय सञ्चारमाध्यमले बताएका छन् ।
नेपाल प्रेस
प्रकाशित: २०७८ कार्तिक २ गते १४:१९
प्रतिक्रिया
सम्बन्धित खवर
