हतौडाले हानेर महोत्तरीमा एक महिलाको हत्या
नेपाल प्रेस
२०७८ असोज २८ गते १७:५६
जनकपुरधाम । महोत्तरीमा एक महिलाको हत्या भएको छ । प्रहरीका अनुसार महोत्तरी गाउँपालिका ३ मडईकी ४२ वर्षीया शिलादेवी झाको हत्या भएको हो ।
घरमा कोही नभएको बेला टाउकोमा हतौडा प्रहार गरी हत्या गरिएको अवस्थामा उनको शव फेला परेको प्रहरीले जनाएको छ । महोत्तरीका प्रहरी प्रमुख एसपी दिनेश आचार्यले घटनास्थलमा रगतले भिजेको हतौडा बरामद भएको जानकारी दिए ।
हत्या कसले र किन गरेको विषयमा केही खुलेको छैन । उनको जेठो छोरा भारतको गुजरातमा छन् । र, कान्छो छोरा जलेश्वरस्थित मावली पुगेको बेला शिलादेवीको हत्या भएको एसपी आचार्यले बताए । प्रहरीले अनुसन्धान भइरहेको बताएको छ ।
नेपाल प्रेस
प्रकाशित: २०७८ असोज २८ गते १७:५६
प्रतिक्रिया
सम्बन्धित खवर
