ताप्लेजुङमा जिप दुर्घटना, १८ जना घाइते
नेपाल प्रेस
२०७८ असोज २८ गते १७:१७
ताप्लेजुङ । मेची राजमार्गअन्तर्गत फुङ्लिङ नगरपालिका-८ दोखुको ल्याङ्बा सडक खण्डमा मे. १ ज २०५६ नम्बरको जिप दुर्घटना हुँदा १८ जना घाइते भएका छन् । घाइतेमध्ये एक गर्भवतीसहित ९ जना गम्भीर छन् ।
सरदमुकाम फुङ्लिङदेखि सिरिजङ्घा गाउँपालिका केन्द्र तेल्लोकतर्फ गइरहेको जिप आज दिउँसो ब्रेकफेल भएर दुर्घटना भएको प्रहरीले जनाएको छ ।
जिल्ला प्रहरी कार्यालय ताप्लेजुङका प्रवक्ता इन्सपेक्टर राकेश यादवका अनुसार घाइते हुनेमा बालबालिकाहरू पनि छन् । सबै घाइतेहरूको जिल्ला अस्पताल ताप्लेजुङमा उपचार भइरहेको र गम्भीर घाइतेहरूलाई जिल्लाबाहिर रेफर गर्ने तयारी भइरहेको प्रहरी निरीक्षक यादवले जानकारी दिए ।
क्षमताभन्दा बढी यात्रु बोकेका कारण ब्रेक फेल भएर दुर्घटना भएको हुनसक्ने प्रहरीको अनुमान छ ।
नेपाल प्रेस
प्रकाशित: २०७८ असोज २८ गते १७:१७
प्रतिक्रिया
सम्बन्धित खवर
