नेपालसँगको खेलपछि भावविव्हल बंगलादेशी खेलाडी, सम्झनामा आठौं साग फुटबल (तस्बिरहरू) – Nepal Press

नेपालसँगको खेलपछि भावविव्हल बंगलादेशी खेलाडी, सम्झनामा आठौं साग फुटबल (तस्बिरहरू)

काठमाडौं । नेपालसँग बराबरी खेलेपछि बंगलादेश साफ च्याम्पियनसीपबाट आउट भएको छ । नेपालले फाइनलमा स्थान सुरक्षित गर्दा बंगलादेशी टिम समूह चरणबाटै घर फर्कियो ।

खेलको उत्तराद्धसम्म बंगलादेश ३ प्वाइन्ट बटुलेर फाइनलमा स्थान बनाउने बाटोमा थियो । ९ मिनेटमै लिएको अग्रता जोगाउन बंगलादेशले पूरै रक्षात्मक भएर खेल्यो । झण्डै सफल पनि भएको थियो । तर, अन्तमा भाग्यले नेपाललाई साथ दियो ।

खेलको ८८ औं मिनेटमा नेपालले पेनाल्टी पाएपछि खेलको नतिजा मोडियो अञ्जन विष्टले मौका खेर फालेनन् । खेल बराबरीमा टुंगियो । अन्तिम समयमा गोल खानुपर्दा बंगलादेशी खेलाडी विक्षिप्त बनेका थिए । केही खेलाडी मैदानमै रोए ।

बंगलादेशी खेलाडी रोएको दृष्यले नेपाली दर्शकलाई सन् १९९९ को साग फुटबलको फाइनलको याद ताजा गराएको छ । घरेलु मैदानमा भएको उक्त फाइनलमा नेपाल बंगलादेशसँग १-० ले हारेको थियो । खेलमा पूर्णनियन्त्रण कायम गरे पनि गोल गर्न चुक्दा नेपाल उपाधिबाट वञ्चित भएको थियो । नेपाली खेलाडीहरू यसरी नै मैदानमा रोएका थिए ।

बंगलादेशसँगको उक्त हारको बदला नेपालले २० वर्षपछि आज लिएको छ ।

तस्बिर स्राेत:अधाधु डट कम ।
प्रतिक्रिया

Leave a Reply

Your email address will not be published. Required fields are marked *