सुनसान बन्दै सहर, सडकमा सवारीसाधन न्यून – Nepal Press
फोटो फिचर

सुनसान बन्दै सहर, सडकमा सवारीसाधन न्यून

काठमाडौं । दसैँ लागेसँगै काठमाडौं सुनसान बन्न थालेको छ । सवारी चापले सधैँ कोलाहलपूर्ण हुने सडक-गल्लीहरूले हिजोबाट राहतको सास फेरेका छन् । सहरको वायू र ध्वनी प्रदूषणमा कमी आएको छ ।

गत वर्ष कोरोनाको महामारी उत्कर्षमा रहेका कारण नेपालीहरूको दसैँ खल्लो बनेको थियो । धेरैले आफ्नै घरपरिवारमा मात्रै दसैँ मनाएका थिए । यसपाली भने कोरोना धेरै हदसम्म मत्थर भएकोले मानिसहरू उल्लासपूर्वक दसैँ मनाउने मुडमा छन् । काठमाडौंबाट ठूलै जनसंख्या दसैँ मनाउन मोफसलतर्फ लागेको छ ।

सडकमात्रै नभएर बजारहरू पनि सुनसान नै छन् । अत्यावश्यबाहेकका धेरै पसल तथा व्यवसायहरू बन्द रहेका छन् । ट्राफिक प्रहरीका अनुसार हिजो फूलपातीको दिनमात्रै ८ लाख काठमाडौंबाट बाहिरिएका थिए । यो क्रम भोलि नवमीसम्म चल्नेछ ।

विजयादशमीको भोलिपल्टदेखि भने मानिसहरू काठमाडौं भित्रिने क्रम सुरू हुनेछ । पूर्णिमापछि सडकको चाप फेरि पूर्ववत भइसक्छ ।

हेर्नुस् सुनसान काठमाडौंका केही दृष्य :-

प्रतिक्रिया

Leave a Reply

Your email address will not be published. Required fields are marked *

सम्बन्धित खवर