सिक्किम फिल्म फेस्टिभल : राजेशदेखि अनमोलसम्मलाई निम्तो, मलाइका अरोरा पनि रेडकार्पेटमा – Nepal Press

सिक्किम फिल्म फेस्टिभल : राजेशदेखि अनमोलसम्मलाई निम्तो, मलाइका अरोरा पनि रेडकार्पेटमा

काठमाडौं । आगामी डिसेम्बर १० देखि १४ सम्म सिक्किममा ग्लोबल फिल्म फेस्टिभलको दोस्रो संस्करण आयोजना हुने भएको छ ।

चारदिने फेस्टिभलमा भारतसहित नेपालका फिल्म कलाकार र सेलेव्रिटी सहभागी हुने सिक्किम फिल्म प्रवद्र्धन बोर्डले जनाएको छ ।

बोर्ड अध्यक्ष पूजा शर्माका अनुसार विभिन्न पाँच विधामा फेस्टिभल आयोजना हुने भएको छ । जसमा फिचर, सर्टफिल्म, आदिवासी–जनजाति–क्षेत्रीय फिल्म तथा ओटीटी विधाहरु समावेश गरिएका छन् ।

फेस्टिभलमा भाग लिन इच्छुक नेपाली फिल्मलाई सहभागिताका लागि प्रवद्र्धन बोर्डले आग्रह गरेको छ ।

फेस्टिभलमा सहभागी हुन अभिनेता राजेश हमाल, अनमोल केसी, आकाश श्रेष्ठ लगायतका नेपाली कलाकारलाई पनि निम्तो दिइएको छ ।

सिक्किमले नेपाली फिल्मलाई लक्षित गर्दै फिल्म पर्यटन खुला गरेको छ जसअन्तर्गत त्यहाँ छायांकन हुने फिल्मलाई १ करोड भारु अनुदान दिने प्याकेज राखिएका छन् ।

फेस्टिभलमा बलिउड सेलेव्रिटी मलाइका अरोरा उपस्थित हुने सिक्किम फिल्म बोर्डले जनाएको छ । सिक्किमको स्थानीय डिजाइन पहिरिएर उनले फेस्टिभल अन्तर्गतको रेडकार्पेटमा भाग लिने भएकी छिन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर