सत्तारुढ दलनिकट विद्यार्थी संगठनले भने- मोतिपुर घटनाको कारकतत्व अघिल्लो सरकार – Nepal Press

सत्तारुढ दलनिकट विद्यार्थी संगठनले भने- मोतिपुर घटनाको कारकतत्व अघिल्लो सरकार

काठमाडौं । मोतिपुर औद्योगिक क्षेत्रमा प्रहरीको गोली लागि चारजनाको मृत्यु भएको घटनालाई लिएर सत्तारुढ दलनिकट विद्यार्थी संगठनहरूले आपत्ति जनाएका छन् । तीन विद्यार्थी संगठनहरूले संयुक्त विज्ञप्ति जारी गर्दै घटनाको निन्दा र भर्त्सना गरेका हुन् ।

नेकपा माओवादी केन्द्र, नेकपा एकीकृत समाजवादी र जनता समाजवादी पार्टी (जसपा) निकट विद्यार्थी संगठनहरूले जारी गरेको विज्ञप्तिमा मोतिपुर घटनाको छानविन गरी दोषीलाई कडाभन्दा कडा कारवाही गर्न माग गरिएको छ । जनताको संविधान प्रदत्त माग राख्दा र आन्दोलन गर्न दमन नगर्न विद्यार्थी संगठनले सरकारलाई चेतावनी दिएका छन् ।

विज्ञप्तिमा घटनाको मुख्य कारणका रूपमा तत्कालीन एमाले नेतृत्वको सरकारले औद्योगिक क्षेत्र स्थापना गर्न नाममा १३३ बिघा जमिन अधिग्रहण गर्नुलाई ठहर्‍याइएको छ ।

‘तत्कालीन सरकारले राज्यशक्तिको चरम दुरुपयोग गरी मोतिपुर क्षेत्रमा बसोबास गरिरहेका सर्वसाधारण जनतालाई सत्ता र शक्तिको आडमा लखेट्ने दुस्साहसको परिणाम आज मोतिपुर क्षेत्र रणमैदान भएको छ र अनाहकमा जनताको ज्यान गएको छ,’ विज्ञप्तिमा भनिएको छ, ‘यो घटनाको मुख्य कारण तत्कालीन प्रतिगामी सरकार र त्यसका अर्थमन्त्री भएको हाम्रो निस्कर्ष छ ।’

विज्ञप्तिमा माओवादीनिकट अनेरास्ववियू (क्रान्तिकारी) का अध्यक्ष पञ्चा सिंह, एकीकृत समाजवादी निकट अनेरास्ववियूका अध्यक्ष सुदेश पराजुली र जसपा निकट समाजवादी विद्यार्थी युनियनका अध्यक्ष रुपनारायण श्रेष्ठको हस्ताक्षर छ ।

नेकपा माओवादी केन्द्र, नेकपा एकीकृत समाजवादी र जनता समाजवादी पार्टी (जसपा) निकटका विद्यार्थी संगठनहरुले आज संयुक्त विज्ञप्ति जारी गरेर घटनाको छानविन गरी दोषीलाई कारबाहीको माग गरेका हुन् ।


प्रतिक्रिया

2 thoughts on “सत्तारुढ दलनिकट विद्यार्थी संगठनले भने- मोतिपुर घटनाको कारकतत्व अघिल्लो सरकार

  1. कति भुक्छौ परमादेश का भतुवा कुकुर हो

  2. aba ti manchhe marne aadesh pani aghillo sarkarkaa mantree le garekaa hun vanan paramadeshi ho, thukka, laaz lagdaina

Leave a Reply to गोकुल लामिछाने Cancel reply

Your email address will not be published. Required fields are marked *

सम्बन्धित खवर