मिनेन्द्र रिजाललाई लक्षित गर्दै प्रदीप ज्ञवालीको टिप्पणी: देख्न के बाँकी रह्यो र ?

काठमाडौं । एमाले प्रवक्ता प्रदिप ज्ञवालीले सय दिनमै विभिन्न काण्ड रचेको भन्दै देउवा आलोचना गरेका छन् । संसदमा कांग्रेस नेता डा. मिनेन्द्र रिजालले गरेको भाषणसँग जोड्दै उनले सामाजिक सञ्जालमा सरकारको आलोचना गरेका हुन् ।

‘सदनमा एकजना कांग्रेस नेताले भन्नुभा’थ्यो, सरकार कसरी चलाउनुपर्छ हामी देखाउनेछौं,’ ज्ञवाली लेख्छन्, ‘ठीकै भन्नु भा’रैछ । भूमि आयोग खारेजी, जयसिंह धामी वेपत्ता, १४ सय सडक आयोजना रद्द, कालो धन सेतो बनाउने प्रपञ्च, न्यायाधीशलाई मन्त्री उपहार, अनि मोतिपुर गोलीकाण्ड । सय दिनमै यति देखिसकेपछि बाँकी के रह्यो र ?

सदनमा एकजना माननीयले भन्नु भा' थ्यो-सरकार कसरी चलाउनु पर्छ,हामी देखाउने छौं। ठिकै भन्नु भा' रैछ।भूमि आयोग खारेजी,जयसिंह थामी बेपत्ता,१४ सय सड़क आयोजना रद्द,कालो धन सेतो पार्ने प्रपन्च,न्यायाधीशलाई मन्त्री उपहार,अनि मोतीपुर गोली काण्ड! सय दिनमै यति देखेपछि पछि बांकी के नै रह्यो र?

— Pradeep Gyawali (@PradeepgyawaliK) October 12, 2021

डा. रिजालले प्रधानमन्त्री शेरबहादुर देउवाले विश्वासको मतका लागि पेश गरेको प्रस्तावमाथि भएको छलफलमा भाग लिँदै ‘सरकार कसरी चलाउनुपर्छ अब जनताले हेर्ने बताएका थिए । चार दिनअघि गरिएको मन्त्रीपरिषद विस्तारमा रिजाल रक्षामन्त्री नियुक्त भएका छन् ।