शनिबार ७ सय कोभिड बिरामी थपिए, ११ जनाको मृत्यु

काठमाडौं । पछिल्लो २४ घण्टामा शनिबार देशभर ७६० जना कोरोनाभाइरस संक्रमित थपिएका छन्। स्वास्थ्य मन्त्रालयक अनुसार १२ हजार ३१ वटन नमूना (६१६८ पीसीआर र ५८३३ एन्टीजेन) परीक्षण गर्दा संक्रमण पुष्टि भएको हो ।

सोही अवधिमा ८९९ जना कोरोनामुक्त भएका छन् भने ११ जनाको मृत्यु भएको छ। गत २४ घण्टामा ९०९९३ जनाले कोरोनाभाइरसविरुद्धको खोप लगाएका छन् ।

अहिले देशभर सक्रिय संक्रमितको संक्रमितको संख्या १५ हजार ३४० छ ।

स्वास्थ्य मन्त्रालयका अनुसार हालसम्म पीसीआर विधिबाट गरिएको परीक्षणबाट ८ लाख १ हजार ६३३ जनामा कोरोना संक्रमण पुष्टि भएको छ । एन्टिजेनबाट कोरोना पुष्टि हुनेको संख्या ९२ हजार ९६३ पुगेको छ ।

हालसम्म ७ लाख ७५ हजार ७२ जना कोरोनामुक्त भएका छन् । कोरोनाबाट मृत्यु हुनेको कुल संख्या ११ हजार २२१ पुगेको छ ।