आईसीसी सेप्टेम्बर ‘प्लेयर अफ दी मन्थ’ को मनोनयनमा सन्दीप लामिछाने – Nepal Press

आईसीसी सेप्टेम्बर ‘प्लेयर अफ दी मन्थ’ को मनोनयनमा सन्दीप लामिछाने

काठमाडौं । नेपाली राष्ट्रिय टोलीका स्टार स्पीनर सन्दीप लामिछाने अन्तर्राष्ट्रिय क्रिकेट परिषद् (आईसीसी)ले सेप्टेम्बरको प्लेयर अफ दी मन्थको मनोनयनमा परेका छन् ।

आईसीसीले बुधबार जारी गरेको मनोनयनमा सन्दीपसँगै बंगलादेशका नसुम अहमद अमेरिकी पावर हिटर जस्करण मल्होत्रा पनि मनोनयनमा परेका छन् ।

सन्दीपले सेप्टेम्बरमा आईसीसी क्रिकेट विश्व कप लिग–२ अन्तर्गत ओमान भ्रमणका क्रमममा ६ एकदिवसीय खेलेका थिए । ओमान भ्रमणमा ७.३८ को इकोनेमीमा बलिङ गर्दै सन्दीपले १८ विकेट लिएका थिए । पपुवा न्युगिनीविरुद्धको खेलमा ६/११ को आँकडामा बलिङ गरेका सन्दीपले विश्व क्रिकेटको ध्यान फेरि एक पटक आफूतिर खिचेका थिए ।

समर्थकको भोटको आधारमा अर्को साता विजेताको घोषणा हुनेछ । समर्थकहरूले यहाँ क्लिक गरेर भोट गर्न सक्नेछन् ।

नेपालबाट महिनाको उत्कृष्ट खेलाडीको मनोनयनमा पर्ने सन्दीप दोस्रो खेलाडी हुन् । यसअघि कुशल भुर्तेल आईसीसीको मनोनयनमा परेका थिए । यद्यपि, उनी विजेता बन्न सकेनन् ।


प्रतिक्रिया

Leave a Reply

Your email address will not be published. Required fields are marked *