परराष्ट्रमन्त्री-भारतीय राजदूत भेट : भारतबाट अर्कोसाता १० लाख डोज कोभिसिल्ड खोप आउने
नेपाल प्रेस
२०७८ असोज २० गते १४:१२
काठमाडौं । भारतले नेपाललाई १० लाख डोज कोभिसिल्ड खोप अर्को साता आपूर्ति गरिदिने भएको छ ।
परराष्ट्रमन्त्री नारायण खड्कासँग आज परराष्ट्रमन्त्रालय सिंहदरबारमा भएको भेटमा भारतीय राजदूत विनयमोहन क्वात्राले खोप आपूर्तिबारे जानकारी दिएका हुन् ।
नेपालले उक्त परिमाणको खोपको अग्रिम भुक्तानी गरेपनि समयमै पाउन सकेको थिएन । तर, अक्टोबरदेखि भारतले विदेशसहित कोभ्याक्स संयन्त्रमा खोप निर्यात सुरु गरेको हो ।
खोप आपूर्तिसहित नेपाल र भारतका द्धिपक्षीय हितबारे पनि छलफल भएको परराष्ट्र मन्त्रालयले जनाएको छ ।
राष्ट्रसंघीय महासभामा भाग लिएर नेपाल फर्किएका परराष्ट्रमन्त्रीसँग यसअघि अमेरिका, चीन, युरोप लगायत मुलुकका राजदूतले पनि भेटवार्ता गरेका छन् ।
नेपाल प्रेस
प्रकाशित: २०७८ असोज २० गते १४:१२
प्रतिक्रिया
सम्बन्धित खवर
