एनआरएन चुनावमा घोषित रूपमै दलीय हस्तक्षेप, कांग्रेसले खटायो आफ्नो प्यानल जिताउन ८ नेता (सर्कुलरसहित) – Nepal Press

एनआरएन चुनावमा घोषित रूपमै दलीय हस्तक्षेप, कांग्रेसले खटायो आफ्नो प्यानल जिताउन ८ नेता (सर्कुलरसहित)

काठमाडौं । गैरआवासीय नेपाली संघको चुनावमा अप्रत्यक्षरूपमा आफ्नो उम्मेदवारलाई समर्थन जनाउने गरेका राजनीतिक दल यसपटककाे चुनावबाट घोषितरूपमै मैदानमा उत्रिन थालेका छन् ।

सत्तारुढ नेपाली कांग्रेसले एनआरएनएको दशौं महाधिवेशनमा लोकतन्त्रवादी समूहलाई विजयी गराउन भन्दै पार्टीका तर्फबाट महामन्त्री पूर्णबहादुर खड्काको संयोजकत्वमै नेताहरू खटाएको छ ।

यसरी राजनीतिक दलले घोषितरूपमै आफ्ना उम्मेदवार एनआरएनए चुनावमा खडा गरेको यो पहिलोपटक हो । कांग्रेसले विभिन्न देशमा रहेका जनसम्पर्क समितिहरूलाई सर्कुलर पठाउँदै आसन्न निर्वाचनमा कांग्रेसले कुल आचार्यको नेतृत्वमा प्यानल खडा गरेको जनाएको छ ।

जनसम्पर्क समिति कांग्रेसको प्रवास शाखा हो । मुख्यसचिव कृष्णप्रसाद पौडेलले असोज १५ गते सबै शाखाहरूलाई सर्कुलर पठाउँदै कांग्रेसका उम्मेदवार जिताउन आ-आफ्नो ठाउँबाट समन्वय गर्न निर्देशन दिएका छन् ।

कांग्रेसले केन्द्रका प्रभावशाली नेताहरूलाई समन्वयको जिम्मा दिएको छ । जसअनुसार यूरोप क्षेत्रमा प्रकाशशरण महत र गगनकुमार थापा, एशिया क्षेत्रमा डा. मिनेन्द्र रिजाल, अफ्रिका, मध्यपूर्व हेर्न गोविन्द भट्टराई र प्रवक्ता विश्वप्रकाश शर्मालाई खटाएको छ ।

त्यस्तै ओसियाना क्षेत्रमा समन्वय गर्ने जिम्मेवारी सुरेन्द्रराज पाण्डेले पाएको कांग्रेसले जनाएको छ । यसैबीच एनआरएन अभियन्ताहरूले भने राजनीतिक दलले घोषितरूपमै प्यानल खडा गरेर चुनाव जिताउन नेता तोक्ने प्रवृत्तिले एनआरएनको औचित्यमाथि प्रश्न खडा गर्ने भन्दै चिन्ता व्यक्त गरेका छन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर