सिद्धबाबा सुरुङमार्ग निर्माणले गति लिँदै, ग्लोबल टेण्डरमा नौ कम्पनीको आवेदन – Nepal Press

सिद्धबाबा सुरुङमार्ग निर्माणले गति लिँदै, ग्लोबल टेण्डरमा नौ कम्पनीको आवेदन

रुपन्देही । बहुप्रतिक्षित सिद्धबाबा सुरुङमार्गको निर्माणको कामले गति लिने भएको छ । ८ वर्षदेखि चर्चामै सीमित रहेको सिद्धार्थ राजमार्गको बुटवल–पाल्पा खण्डमा पर्ने सिद्धबाबा सुरुङमार्गको निर्माणका लागि टेण्डर आह्वानसँगै यसले गति लिने भएको हो ।

सिद्धबाबा सुरुङ मार्ग निर्माणको लागि काम चालु आर्थिक वर्षभित्रै सुरु गर्ने गरी तयारी भइरहेको र जसका लागि आह्वान गरिएको ग्लोबल टेण्डरमा नौ कम्पनीले आवेदन दिएका छन् ।

आवदेन दिएका कम्पनीहरुसंग छलफल भइरहेको सडक विभागको गुणस्तर अनुसन्धान तथा विकास केन्द्रका प्रमुख डा. विजय जैसीले जानकारी दिए । उनका अनुसार आवेदन दिनेमा अधिकांश चिनियां कम्पनी रहेका छन् ।

उनले अबको तीन महिनामा कम्पनी छनोट हुने बताए । कम्पनी छनोट भएपछि ९ महिनाभित्र डिजाइन बनाएर काम सुरु गर्नुपर्ने शर्त राखिएको छ । सरकारले सुरुङमार्गका लागि चालु आर्थिक वर्षमा ३० करोड रुपैयां छुट्टाएको छ ।

तत्कालीन अर्थमन्त्री विष्णु पौडेलले ५० करोड रुपैयाँ छुट्टाएको भए पनि प्रतिस्थापन विधेयकमार्फत २० करोड रुपैयाँ अर्थमन्त्री जनार्दन शर्माले घटाएका छन् ।

सुरुङ मार्ग बनाउनका लागि चाइना स्ट्रेट कन्ट्रक्सन इन्जिनियरिङ कर्पाेरेशन लिमिटेड (बेइजिङ), चाइना गेजुवा ग्रुप कम्पनी लिमिटेड (वुहान सिटी), चाइना फष्ट हाइवे इन्जिनियरिङ कर्पोरेशन लिमिटेड (बेइजिङ) र संयुक्त उपक्रम (जेभी) रहेका छन् । चिनियाँ कम्पनी जेडआईसीजीले नेपाली शर्मा एण्ड कम्पनीसंग जेभी बनाएर आवेदन दिएको छ । एसीसीई चिनियां कम्पनीले नेपाली कम्पनी अनक कन्ट्रक्सनसंग जेभी बनाएर आवेदन दिएको छ ।

जसमा अनक कन्ट्रक्सन लिड कम्पनी रहेको छ । सिनो हाइड्रो कर्पोरेशन लिमिटेड र पावर चाइना नर्थ वेष्ट इन्जिनियरिङ कर्पोरेशन लिमिटेड र पावर चाइना रोड ब्रिज ग्रुप कर्पोरेशन लिमिटेड (बेइजिङ)ले आवेदन दिएको छ ।

यस्तै चाइना सिभिल इन्जिनियरिङ कन्ट्रक्सन कर्पोरेशन र चाइना रेलवे १४ औं ब्युरो ग्रुप कम्पनी लिमिटेड र चाइना रेलवे सियुआन सर्भे एण्ड डिजाइन ग्रुप कम्पनी लिमिटेड (बेइजिङ)ले पनि तीनवटा चिनियां कम्पनी मिलेर आवेदन दिएका छन् ।

चाइना ओभरसिज इन्जिनियरिङ ग्रुप कम्पनी लिमिटेडर चाइना रेलवे २ नम्बर इन्जिनियरिङ ग्रुप कर्पोरेशन लिमिटेड (बेइजिङ) दुई चिनियां कम्पनीको जेभी बनाएर आवेदन दिएका छन । केएमसी र भीसीए पीएल जेभीले पनि आवेदन दिएका छन् ।


प्रतिक्रिया

Leave a Reply

Your email address will not be published. Required fields are marked *