फिल्म अञ्जलीको छायांकन काठमाडौंमा सुरु, मंसिरमा रिलिजको तयारी

काठमाडौं । फाल्गुनन्द लिङ्देन फिल्मस्ले निर्माण गरिरहेको फिल्म ‘अञ्जली’ अहिले काठमाडौं उपत्यकाका विभिन्न स्थानमा छायांकन भइरहेको छ । घरेलु हिंसा तथा बालबालिका अपहरणलाई मुख्य विषय बनाइएको फिल्ममा कथा र निर्देशन दिनेश लिङ्देनको छ ।

फिल्ममा एलिना बाँसकोटा, दिक्पाल कार्की, विमला खजुम लिम्बु, हाङ चेम्जोङ, विमला गिरी, यासेली योङहाङ, शर्मिला शर्मा, नरेश वनेम, प्रजलिका गिरी, सागर केरुङ, विशाल सेनेहाङ, दिविसा सापकोटा, जनक कार्की, नन्दु तुम्बापो, अजय खडका, दिनेश माङमु, पुन्य ओझा, माइकल तुम्बापो, बिमल ढुङ्गेल, दावा शेर्पा, प्रेम आले मगर, देब राई, मेख मगरको अभिनय छ ।

सुशिल अधिकारीको छायांकन, पुन्य ओझाको द्वन्द्व, दिनेश माङमुको नृत्य रहेको फिल्ममा कविता राई लिङ्देन, मणि ताम्लिङ र राम दाहाल निर्माता छन् । फिल्म आगामी मंसिरमा रिलिज हुने जनाइएको छ । जिल्ला प्रशासन कार्यालयहरुले स्वास्थ्य मापदण्ड पालना गर्दै फिल्म गतिविधि खुलाउन अनुमति दिएपछि छायांकन कार्य सुचारु हुन थालेका छन् ।