पर्यटन प्रवर्द्धनका लागि एकीकृत योजना आवश्यकः उपेन्द्र यादव – Nepal Press

पर्यटन प्रवर्द्धनका लागि एकीकृत योजना आवश्यकः उपेन्द्र यादव

जनकपुरधाम । जनता समाजवादी पार्टीका अध्यक्ष उपेन्द्र यादवले प्रदेश २ को पर्यटन प्रवर्द्धनका लागि एकीकृत योजना निर्माण गर्नुपर्नेमा जोड दिएका छन् ।

होटेल तथा पर्यटन व्यवसायी महासंघ प्रदेश २ ले आज आयोजना गरेको पर्यटन प्रवर्द्धनसम्बन्धी छलफल कार्यक्रममा बोल्दै अध्यक्ष यादवले भने, ‘धार्मिक पर्यटनको पर्याप्त सम्भावना बोकेको प्रदेश २ मा खुद्रा विकासले समृद्धि सम्भव छैन । पर्यटन प्रवर्द्धन गर्न प्रदेश सरकारले एकीकृत योजना बनाउनुपर्छ ।’

धार्मिक र ऐतिहासिक पर्यटन विश्वभरमै पर्यटनको ठुूलो हिस्सा ओगटेको उल्लेख गर्दै अध्यक्ष यादवले पर्यटक भित्र्याउन सक्ने सम्भावना बोकेका प्रदेशभरीकै धार्मिक तथा ऐतिहासिक स्थलहरुलाई समेटेर एकीकृत योजना बनाउन प्रदेश सरकारलाई सुझाए ।

कार्यक्रममा मुख्यमन्त्री लालबाबु राउतले प्रदेश सरकारले पर्यटन प्रवर्द्धनका लागि प्रदेशका मुख्य धार्मिक तथा ऐतिहासिक स्थलहरुमा विकास निर्माणको काम सुरु गरिसकेको बताए । उनले अगामी दिनमा एकीकृत योजना बनाएर अगाडि बढ्ने प्रतिवद्धता जनाए ।

प्रदेश सरकारले नीति तथा कार्यक्रममा प्राथमिकताका साथ समावेश गरेको पर्यटन प्रवर्द्धनका लागि हरेक पक्षसंग सहकार्य गर्न सरकार तयार रहेको मुख्यमन्त्री राउतको भनाई थियो ।

कार्यक्रममा अर्थमन्त्री शैलेन्द्र साहले पर्यटकीय विकासमा अर्थको अभाव हुन नदिने प्रतिवद्धता जनाएका छन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर