प्रदेश २: लोसपा संसदीय दलको बैठक शुरु, दलका नेता चयन गरिने

जनकपुरधाम । लोकतान्त्रिक समाजवादी पार्टी (लोसपा) प्रदेश २ संसदीय दलको बैठक जनकपुरधाममा शुरु भएको छ ।

दलका नेता छान्न अध्यक्ष महन्थ ठाकुरको प्रमुख आतिथ्यमा बैठक सुरु भएको हो । एक साँसदका अनुसार दलको विद्यानमाथि पहिले छलफल हुन्छ । विद्यान पारित भएपछि दलका नेता चयन प्रक्रिया सुरु हुन्छ ।

बैठकमा लोसपाका बरिष्ट नेता राजेन्द्र महतो, कार्यकारिणी सदस्यहरु उमाशंकर अरगरिया, शरतसिंह भण्डारी, अनिल झा तथा प्रदेश २ का १६ साँसद सहभागी छन् ।

सांसदहरु जितेन्द्र सोनल, उपेन्द्र महतो र सुरिता साह दलका नेताको आकांक्षी छन् । सकभर सहमतिमा दलका नेता चयन गर्ने प्रयास गरिने र सहमती नजुटे लोकतान्त्रिक प्रक्रिया चुनाव मार्फत दलका नेता चयन गरिने बताइएको छ ।