एमालेका तीन प्रतिवेदनमाथि १० समूहमा छलफल, निष्कर्ष सुनाउन टोली नेता चुनिए – Nepal Press

एमालेका तीन प्रतिवेदनमाथि १० समूहमा छलफल, निष्कर्ष सुनाउन टोली नेता चुनिए

काठमाडौं । नेकपा एमालेको केन्द्रीय कमिटी बैठकमा विधान महाधिवेशनका लागि प्रस्तुत तीनवटा दस्तावेजमाथि समूहगत छलफल सकिएको छ ।

केही समूहमा भने छलफल जारी रहेको छ । एमालेका १९६ केन्द्रीय सदस्यहरुलाई प्रदेशगत आधारमा समूह विभाजन गरेर प्रतिवेदनमाथि छलफल गराइएको हो ।

भूगोलका सात प्रदेशसहित प्रवास, उपत्यका विशेष र जनवर्गीय संगठन तथा विभागहरुबाट प्रतिनिधित्व गर्ने केन्द्रीय सदस्यहरुको समूह बनाएर विधान मस्यौदा, राजनीतिक र सांगठानिक प्रस्तावमाथि छलफल भएको प्रवक्ता प्रदिप ज्ञवालीले जानकारी दिए ।

समूहगत छलफलका निष्कर्ष एक एकजना टोली नेताले बैठकमा सुनाउनेछन् । प्रदेश १ बाट हिक्मत कार्की,प्रदेश २ बाट रामचन्द्र मण्डल,वागमतीबाट आनन्द पोखरेल,गण्डकीबाट जगत विश्वकर्मा र लुम्बिनीबाट दलवहादुर रानाले आ आफ्नो समूहको निष्कर्ष सुनाउनेछन् ।

त्यस्तै कर्णालीबाट यमलाल कडेल, सुदूरपश्चिमबाट कर्ण थापा,उपत्यका विशेषबाट माधव ढुंगेल र जनवर्गीय संगठन तथा विभागहरुबाट खिमलाल भट्टराईले निष्कर्ष सुनाउनेछन् ।

समूहगत निष्कर्ष र सुझावका आधारमा केन्द्रीय कमिटीले आवश्यक परिमार्जनसहित प्रतिवेदनहरु पारित गर्नेछ । समूहबाट आएका सुझावहरुमाथि अध्यक्ष केपी शर्मा ओली,महासचिव ईश्वर पोखरेल र उपमहासचिव तथा संगठन विभाग प्रमुख बिष्णु पौडेलले जवाफ दिने भएका छन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर