सेनेटरी प्याडको मूल्य बढाएकोप्रति अनेरास्ववियूको आपत्ति, निशुल्क उपलब्ध गराउन माग – Nepal Press

सेनेटरी प्याडको मूल्य बढाएकोप्रति अनेरास्ववियूको आपत्ति, निशुल्क उपलब्ध गराउन माग

काठमाडौं । महिलाले महिनावारीका बेला प्रयोग गर्ने सेनेटरी प्याडको मूल्यवृद्धिप्रति नेकपा एमालेनिकट विद्यार्थी संगठन अनेरास्ववियूले आपत्ति जनाएको छ । विद्यार्थीलाई निशुल्क र अनिवार्य सेनेटरी प्याड उपलब्ध गराउन माग गर्दै अनेरास्ववियूले सेनेटरी प्याडमा लगाएको १० प्रतिशत भन्सार शुल्क र १३ प्रतिशत भ्याट तत्काल खारेज गर्न सरकारसँग अनुरोध गरेको छ ।

अनेरास्ववियूकी अध्यक्ष सुनिता बरालले प्रेस विज्ञप्ति जारी गर्दै डेढलाई नेपाली महिलाले प्रयोग गर्ने प्याडको मूल्यवृद्धि फिर्ता लिन छात्रालाई निशुल्क वितरण गर्न माग गरेकी हुन् ।

‘विश्वको करिब चार अर्व र नेपालका करिब एक करोड पचास लाख महिलाले प्रयोग गर्ने सेनेटरी प्याडमा वर्तमान सरकारले लगाएको १० प्रतिशत भन्सार शुल्क र १३ प्रतिशत भ्याट प्रति अनेरास्ववियुको गम्भिर ध्यानाकर्षण भएको छ’, विज्ञप्तिमा भनिएको छ, ‘वर्तमान परिस्थितिमा सेनेटरी प्याड महिलाको विलासिता नभइ आवश्यकता हो । तसर्थ प्रत्येक महिलाले मासिक रुपमा प्रयोग गर्ने सेनेटरी प्याड सर्वसुुलभ र सुपथ मुल्यमा उपलब्ध गराउने राज्यको दायित्व हुनुपर्नेमा कांग्रेस नेतृत्वको वर्तमान सरकारले प्याडमा समेत विलासिताको सामाग्रीमा झै उच्च कर लगाइ महिलाहरुको संवेदनशीलताप्रति गरेको बेवास्ता छ ।’

केपी ओली नेतृत्वको सरकारले आर्थिक बर्ष ०७६–०७७ देखि नै सामुदायिक विद्यालयमा अध्ययनरत छात्राहरुको लागि निशुल्क रुपमा उपलब्ध गराउँदै आएको कार्यक्रमलाई थप व्यवस्थित र प्रभावकारी बनाउँदै विश्वविद्यालयमा अध्ययनरत छात्राहरुका लागि समेत निशुल्क र अनिवार्य सेनेटर प्याड उपलब्ध हुने व्यवस्था गर्न नेपाल सरकार र सम्बन्धित निकायसमक्ष अनेरास्ववियूले माग गरेको छ ।

प्रतिक्रिया

Leave a Reply

Your email address will not be published. Required fields are marked *