कोभिड प्रोटोकल पुरा गर्ने काठमाडौं महानगरका स्कुल खोल्ने तयारी, २७ बुँदे कक्षा संचालन मापदण्ड तयार – Nepal Press

कोभिड प्रोटोकल पुरा गर्ने काठमाडौं महानगरका स्कुल खोल्ने तयारी, २७ बुँदे कक्षा संचालन मापदण्ड तयार

काठमाडौं । काठमाडौं महानगरपलिकाले स्वास्थ्य मापदण्ड पुरा गरेका विद्यालयलाई असोज १० गते देखि खुलाउने तयारी गरेको छ । महानगरपालिकाका मेयर विद्या सुन्दर शाक्यको अधक्ष्यतामा बुधबार बेलुका बसेको बैठकले सो निर्णय गरेको हो ।

मेयर शाक्यका अनुसार, २७ बुँदे मापदण्डसहित कक्षा सञ्चालन गर्न तयारी भएको छ । कक्षा सञ्चालन गर्नुअघि विद्यालय व्यवस्थापन समिति, अभिभावक, शिक्षक र सम्बन्धित वडाका प्रतिनिधि बसेर विद्यालय सञ्चालन विषयमा समझदारी बनाएपछि मात्र विद्यालय खोल्न सकिने महानगरले जनाएको छ ।

विद्यालय संचालन गर्दा स्वास्थ्य मापदण्ड पालना गराउने विषयमा शिक्षा विभागले अनुगमन गर्ने महानगरले जनाएको छ ।

विद्यालय खोल्नुअघि विद्यार्थी, शिक्षक, कर्मचारी, चालक, सहचालक लगायत सबैले खोप लगाएको हुनुपर्ने र खोप लगाउन कोही बाँकी भए तुरुन्त काठमाडौं महानगरपालिकाको जनस्वास्थ्य विभागमा सम्पर्क गरी खोप लगाउन सकिने समेत महानगरपलिकाले जनाएको छ ।

कोरोना संक्रमणदर २५ प्रतिशत रहेका स्थानमा समेत विद्यालय खुला

यसैबीच, कोरोनाभइरस संक्रमणदर उच्च भएपनि विद्यालयहरु खुल्न थालेका छन् । अहिले प्रदेश १ मा सरदर २५ प्रतिशत कोरोनाभाइरस संक्रमणदर छ । त्यहाँ कोरोनाभाइरस संक्रमणको उच्च जोखिम कायमै भएपनि विद्यालय धमाधम खुल्न थालेका छन् ।

यस्तै पाल्पामा पनि कोरोनाभाइरसको सङ्क्रमण दर १५ प्रतिशतभन्दा माथि छ । पाल्पाका १० वटा स्थानीय तह मध्ये नौ वटाले विद्यालय सञ्चालन गरिसकेका छन् । चिकित्सकका अनुसार पााच प्रतिशतभन्दा बढी संक्रमणदर हुनु भनेको एकदमै जोखिम हो । स्वास्थ्य मापदण्ड पालना गराएर विद्यालय सञ्चालन गर्नुपरेको प्रधानाध्यापकहरुले बताएका छन् ।

प्रतिक्रिया

Leave a Reply

Your email address will not be published.